a journey

Hey Luet,

an wittara Bericht us Indien. Mir sind zwar all noch in Jodhpur und gnuessands do so richtig, aber da mir immr uf dr suche nach was Neuam sind hommr mol an Tagesausflug gmacht. Mi hats amol a klae ufs Land zoga und so simmr hald einfach mit am Public Bus druflos gfahra… Mir honds ziemlich guat vertroffa, weil der Ort in den mr sind hot an laessiga alta Tempel ka. Und er isch trotzdem no ned voellig vo Tourista ueberloffa gsi. Denn simmr o a klae durch die Gegend gschtreift und hond a paar Einheimische troffa, dia glob voellig ueberrascht gsi sind, dassas wiesse bis vor ihre Hustuer (wobei ihre Huetta sowas ned ka hond) verschlagt. Jo und denn simmr noch anam hetziga Zmittagessa denn wiedr „hoam“ ge Jodhpur gfahra. D Fahrt war fasch a so interessant wia des Dorf und die verbeizuehande Landschaft isch echt was laessigs, da Osiyan uf am Waeg vo Jodhpur Richtung Wueste ligt, und mir hond doet o scho die ersta Sandduenen gsacha. Aber i glob des sachamr denn in Bikaner noch meh. Uf am Waeg hommr mol an Blick uf an Termometer reskiert, 34 Grad hots azoagat. I hoff euch wuert do a klae warm wenndr des im kalta Europa laessand 😉

Jo und mir sind all noch mit am Mike uf waeg, dem Kanadier vo dem mr scho verzellt hond. Er hat o an Blog, fallsr doet kurz inne luaga waend: „mikemccormickglobetrotter.blogspot.com“ waer sine Adress. Er wuert no fuer 3 wittere Moenat in Indien blieba, und isch voll begeistrat, dass mir um die „ganze Welt“ reisand, und des gleich untr amol. Er isch zwar o scho a klae umma ko aber hald immr nur oa Land uf zmol. Er isch sich jetz aber am ueberlega ob er ned ge Nepal o noch goh soell. Schauamr mol was drus wuert.

So des wars jetz wiedr amol vo ues. No a paar Fotos und ganz schoene Gruass ind Heimat!

Jo und jetz noch zu uesaram jetzdiga Standort.

Mir sind in Jodhpur, des isch die zweitgroeste Stadt in Rajhistan und hat dr Spitznama „the blue City“ weil do d Hueser frueher alle blau agmolat gsi sind. Des hilft erstens gegat d Hitz im Summr und zweitans ischas Indigo guat gegat d Moskitos. Jo und do in dera Stadt taugts ues scho wiedr viiiiel bessr! Erschtens isch d Stadt selber viel suberer als Ajmer und d Strossa sind do zum Teil nur so breit, dass gradamol a Tucktuck durchkummt… des hoasst es isch o weniger Verkehr. Amol in dem bereich wo mir ueser Hotel hond. Jo denn hommr o a hammer Hotel verwuescht, mit anam netta Manager, und o sunsch ischas Hotel spitze. Mir hond sogar an groessara Raum kriagt nur so. Einfach damit dr Marco oefters lachat. Jo und denn gibts ind dem Hotel o Italienisch zum essa. Was vorallam am Marco brutal guat gfalla hat und i muass scho saega i han mi o wiedr amol gfreut „normals“ Essa zum essa. Jo i bin denn jetz wiedr umgstiega uf Indisch, dr Marco wuert wohl so lang wia moeglich des italienische Essa gnuessa. Wobei es o ned wuerklich italienisch isch sondr eher der Versuch vo Inder italienisch zum Kocha.

Jo und denn no zur Stadt. Wia gseht sind die meista Huesle blau, und in dr Mitte vo dr Stadt trohnt uf anam Felsa baut s Maranga Fort. Des isch erschtens echt an Blickfang und zweitens o vo Inna wuerklich sehenswert! Echt der Hammr! Und des ganze isch scho ueber 500 Johr alt. Do hot bis vor dr Unabhaengigkeit vo Indien o dr Maharatscha dinna gwohnt. Der wohnt jetz a klae usserhalb vo dr Stadt in anam oagana Palast. (isch amol in anra Galilleo Folge ko falls dia jemand gsacha hat) An Teil vom Palast isch jetz Hotel fuer rieche Tourista.  Und mit dena Inahma renovierandse denn dr ganze Palast laufend. Mittlerweile gibts o scho a klenns Museum in anam Teil, aber des bliebt wiet hinter dr Erwartunga zruck. (leider) Mir hettand gern meh davoa gsacha aber in die andara Bereiche kummt ma nur als Hotelgast inne. Im Rest vo dr Stadt kann ma o noch an laessiga Garta aluaga und es gibt o ueberall lassige Markets wo ma alles kriagt was das (indische) Herz begehrt, wenn ned sogar meh.

Jo i han versuacht mi kurz zum halta, isch ned ganz glunga, aber i hoff ihr hond soefl Zit zums euch durchlaessa.

und wia immr zum Schluss no a paar Fotos. (Jodhpur rentiert sich uebrigends o zum googlen!)

Hey Luet!

Wiedr amol a Lebenszeichen vo ues!

Mir sind zwar mittlerweile scho z Jodhpur aber i wett eu no schnell verzella wo mr davor gsi sind:

Also noch Jaipur simmr mit am Zug ge Ajmer wo mr gleich vo zwo uebereifriga Jungs begleitat wora sind dia ues umbedingt zu anam Hotel bringa hond wella… natuerlich hettand dia denn irgend a Art Provision fuer des kriagt warum mir o nia a Hotel zu dem Preis kriagt hond wo mr wella hond. Koa Wunder… dia hond ues aber einfach ned aloanig lo wella, wesshalb mr denn enfach abghaut sind wo se mol kurz ned ufpasst hond… und tataa, mir hond uf Anhieb a guenstigs Hotel gfunda!

Jo des war aber o scho des einzige positive vo Ajmer, isch ziemlich dreckig und stinkig ueberall… und jo gibt ned wuerklich was spannends zum aluaga. Denn simmr mit am Bus ge Pushkar gfahra und hond ues des Doerflae agluagat.  Des isch gliech wia Ajmer an heiliga Ort fuer Moslems, und drumm muass ma all Hennaschiss d Schua abtoa (des muass ma do sunsch all nur in dr Tempel) jo und des Doerflae liegt rund um an See, der natuerlich o heilig isch. Mir sind denn uf a Huegilae wo wiedramol an Tempel domma gsi isch und hond a klae dr Usblick gnossa. Uf am Waeg zruck zur Busstation simmr denn an anam Restaurant vorbeiko wo se Pizza agschrieba hond, also simmr inne. Mir wo scho fasch koa indischas Essa meh sacha hond koenna… (mitlerweile gohts wiedr) jo und den hond se ues zum Essa dazua a Jointle abotta. Mir voll schockiert he… hond natuerlich abgleht und er hats garned verstoh koenna. Mir soelland doch wenigstans probiera. Mir nomol abglehnt und noch am Essa hommr denn dr Tourist Help Force bescheid geh. Dia hond denn dr Marco mit uf ihram Motorrad und sind nomol zu dem Gasthus. Jo und dia hond denn an Anschiss kriagt und mir sind druf ko, dass die meista Tourista doet nur ahe gond zum kiffa. Najo ned so ueser Ding.

Jo alles in allam waramr froh wiedr furt us Pushkar und o us Ajmer zum sie.

Hey,

und scho wieder a Nochricht vo ues! Mir honds do fein in Jaipur, s Internetcafe hat allig a Verbindung ins Netz und isch o no ganz in dr Noeche vo uesaram Hotel.

Dr Marco liegt no im Bett (es isch bei ues jetz 2 am Nomitag) weil mr gestern so viel gloffa sind und des bei dera Hitz, und glob em hat des essa gestern o ned so recht toa. I wuer jetz nochr uf alle Faell gleich wiedr noch em luaga go.

Jo wia gseht mir sind gestern einiges gloffa (drum gibts o wiedr neue Bilder) und i bin heut am Morga o scho gleich wiedr zum Bahnhof tschiagglat zum uesere Zugtickets zum loesa. Abfahrt noch Ajmer in 2 Taeg. Gleich am morga fruah (Abfahrt um 4:55!) jojo drum liaber jetz noch uschlofa. Mir hond do jetz eh an Tag laenger als mr eigentlich wella hond, aber i glob des passt do guat. A klae Geld sperra weil ma ned all irgend was neus aluaga muass, und tuere Itritt zahla muass, koa Tucktuck odr Rickscha, und a klae gmueatlich neh soettamrs jo oh. No simmr hald viel z viel Voralberger, als dass mr alles so gmueatlich neh koenntand wia d Inder. Do spielt Zit no koa Rolla.

Jo i zoag euch jetz no a paar Fotos und denn ischas des o scho wiedr gsi.

Schoene Grueass an alle interessierten Reisemitverfolger!

Wir sind heute morgen in Jaipur angekommen, der Zug war sogar annaehernd puenktlich, was hier eher eine Seltenheit ist. Wir hatten sogar das Glueck eine musikalische Einlage zu geniessen, denn das Indische Militaer war bei uns im Wagon und hatte Trommeln, eine Art Steinzeit-Klavier und jede Menge Stimgewalt mit dabei. Gestern hatten wir fuer umgerechnet 50cent pro Person ein Schlemmerbuffett! Eiertoast und Spicy Nudeln (chinesisch fuer Inder). Marco hat sich sofort die Zutaten notiert. Selbst wenn ich mir nicht sicher bin ob er die bei uns Zuhause auch bekommt. Wie uns heute ein Inder erklaerte (der Host von den zwei Chinesen) bestehen manche Gewuerze aus mehr als 30 verschiedenen Inhaltstoffen. In Rajistan wo wir uns nun befinden ist die Luft etwas besser, auch wenn Jaipur die hier groesste Stadt ist und auch hier „sehr reger“ Verkehr herrscht. Die Landschaft hier ist etwas huegeliger, etwa wie die Toskana im Hochsommer, und genau so fuehlt es sich auch an. In der Sonne ist es unertraeglich heiss, gerade zur Mittagszeit. Die Tagestemperaturen liegen bei ueber 28 Grad!

So und weil ihr noch mehr Fotos sehen wollt, wir werden unser bestes geben, unser Butget opfern um euch ueber diese, nennen wir es maessig schnelle Internetverbindung Fotos hoch zu laden! Aber es werden auch heute nicht all zu viele werden.

Hey ho Luetle,

mir sind mittlerweile z Agra, des isch doet wo s Taj Mahal stoht  und no koa bizle reisemuede!

Morn am frueah morga gots witter ge Jaipur. In dr letzta Zit hommr a klae Delhi Sightseeing gmacht und sind denn mit anam chinesischa Paerle do hera gfahra. Des Hotel wo mir do sind isch volla Tourischta, ussr dr Angestellta isch koan einiga Costumer Inder. Des liegt worschindlich an dem, dass des Hotel im Lonly Planet dinna isch. D Luft und d o Luet sind in Agra scho voellig andrsch wia in Delhi. Alles besser, obwohl ma scho merkt, dass d Menscha do in Agra an d Tourista ziemlich gwoehnt sind. Denn wennd se dr allig Plunder adreah usw. Dr Marco hat gmoant i soelle Hochduetsch schrieba, drumm bitte Komentare schrieba ob euch des so passt odr ob ihr des o so wettand. (Marco hat Freunde ausserhalb Voralbergs, falls einer von diesen Freunden diese Berichte liesst bitte Komentar hinterlassen, wir uebersetzen gerne fuer unsere Inneroestereichischen Freunde!)

Jetz no a paar Foettile

Hey Luet,

do bin i wiedr mit neua News us Indien. Mir hond jetz an 6-taegiga Trip in die „Mountains“ vo Indien gmacht. Richtung Chandigarh und denna wittr mit am Auto ge Shimla. S erschte mol a subere Stadt do z Indien 😛

Shimla isch zur Kononialzit d Summerhauptstadt gsi, weils in Delhi einfach viel z heiss isch um dia Zit. Z Shimla wohnt o oanr vo uesara Hoests. Dr Dave, dem mr mittlerweile o scho voll vertrauand weil sich ussa gstellt hat es isch nur die anfaengliche Skepsis gsi.

Jo und denn simmr wittr ge Sarain, anam ganz anam klenna versteckta Doerflae, ohne Strom und ohne warm Wassr. Hald ussr ma kochts uebr am Fuer aber nur zum sich waescha tuat ma des jo ned extra. Also wuert hald kalt duscht… des waer jo o ned so s Problem. Irger isch dass des ganze uf eppa 2200m hoch glaegane Dorf am Morga so um die 5grad uebr Null nur grad hat. Des macht denn des Ganze scho ziemlich frisch. Jo und vo dem Dorf us simmr denn uf an Chudar Peak ganga… dr hoechste Berg in dera Region. Bis zum Himalaya hommr gsacha. Der Berg isch mit 3674m o denn gleich vo mir und am Marco, dr hoechste den mr bisher dapackt hond. Koa Wundr, do kummt jo ned amol dr Piz Buin dra zuabe.

Jo denn simmr a klae durch gfoerliche Valleys gfahra wo ziemlich tuef ahe gond. Und dia

Stoss isch o ned grad uebrig broat gsi. Amol ned wenn eppas verko isch. Do hat ma denn ned amol me a Hand broat luft ka bevors denn ins Nirvana ganga waer.

Jo aber mittlerweile simmr wiedr guat in Delhi ako und mir waerand ues am Suntig uf gi Agra macha (doet wo s Taj Mahal stot)

Ajo und uebrigens, Durchfall hot weder dr Marco noch  i bis jetz ka *klopufholz*

nice greetz und Namaste

Hey luet!

Mir sind guat z delhi ako. Nochdem mr nur kurz z London gsi sind. Dr Flug gi Delhi isch suppr gsi… sind ues vorko wia first class… nur s essa hat ues ned so vom hocker ghaua. Es isch aber nur an klenna vorgeschmack uf indischas Essa gsi. Aber jo mir wissand jo alle dass Flugzeugessa ned s beschte isch 😉

Jo denn endlich z Delhi ako, am Flughafen zersch amol a riessen Problem zum Geldabheba. Beim 3. Automat hats denn funktioniert. Anam liaba Tibeter hommr gholfa, der hots glieche Problem ka… also es isch ned an ues glaega 😛

Jo denn an Lokalbus und a Tuktuk kno und mol in Richtung uesara angegebana Adress gfahra. Des Viertel isch eppa so gross wia Feldkirch. Und s groesste Problem isch dassas do ueberall gliech usluagat %) jo denna hommr hald gfrogat. Und es isch echt schints jeder Inder an Experte in sinam Viertel, wenn ehn an Uswaertiga frogat.  Najo bis ma denn hald in di angegebene Richtung gloffa isch und festgstellt hat dass ma do zwar schomol gsi isch aber ma all no ned am richtiga Ort isch. Najo denn hommrs denn doch no gfunda. A alte Frau isch mit ues mit und hat ues mol ziemlich ind Noeche brocht und vo doet honds denn d Luet wuerklich gwisst.

Denn isch ueser Host denn o uftaucht noch dem mr a biz Uno gspielt hond vor am Hus und so ziemlich die ganze Stross vorbeiko isch zum luaga wiso do wiesse hockand.

Dr erste obat hot denn recht nett agfanga, mir sind zersch Tee trinka ganga (es mueass ma) und denna ge essa hola bei so anam Strossa Markt. Hond uesaram Host und sienam Freund beibrocht wia ma Uno spielt und denn am spoetara Obat hond se ues denn gfrogat wia uesere Plaen usluagand. Jo mir hald verzellt und denn hond se ues gleich a paar Sacha gseht wo mr o noch aluaga soettand und wia mr doet ahe konnd. Am liabsta hettand se glob, dass mr a johr zit hettand nur fuer Indien… und mr ues denn alles ganz genau aluaga koennand. Irgend wenn hond se denn gseht mir soelland a Tour mit anam Fahrer macha den se kenna teuand und des o gaaaanz guenstig sei… najo ues sind denn sofort d alarmglocka ufganga. Jo der Obat isch denn ned so dr hit gsi weil mr ues ned wuerklich wohl gfuehlt hond. Dia Nacht hon mr denn bede ned so recht gschlofa. Oanr sitz wegat uesarna Hosts, andra sitz wegat am schwuala wettr und dera stobiga Luft dia do ueberall isch. (Ma siaht koan kilometer wiet o wenn d strossa grad us gond)

Jo denn zweite Tag, koerig lang usgschlofa weil mr no a klae mitgenommen gsi sind vom weniga Schlof im Flueger. Jo denn am Nomitag amol zu zweit d Gegend a klae erkundigt und die ersta Ikoef taetigt. Wiedr hoam und an Trip in d Berg (Norda vo Indien) usgmacht. Es isch zwar ned in uesara Route dinna gsi, aber sie hond ues Bildr zoagat und des soett ma hald o gsacha ha. Des hoasst hald, dass mr denn o a klae weniger Zit in Rajisthan hond. Aber den Plan hommr mitlerweile o scho a klae usgarbeitat. Jo und drum gommr jetz huet Nomitag auf Richtung Berg. Dr hoechste Trak wo mr macha waerand isch uf ueber 3500m! Uhaaa!

Mir meldand ues denn wiedr mit frischen News wenn mr s noechste mol Internet hond. (Voraussichtlich wenn mr beim Dave (Freund vom Host der mit ues zemma wohnt) dahoam sind, der wohnd in dera Gegend, wohl o an Grund warum er ues des zoaga wett)

No a paar Vocabla fuer die Sprachbegabten unter euch (wia mas schriebt wissamr ned nur wia mas seht):

Toratora – wenn ma scho vollgessa isch, und nur noch a biz eppas wett

Atscha – wenn ma iverstanda isch odr sich guat fuehlt, kann aber o zu anra schoena Landschaft gseht wera

Schuggria – Dankeschoen

Namastde – Kann fuer heile und pfueate verwendat wera.

typisches Strassenbild in unserer Gegend

wir mit Dave (li) und Shahiv (re)

Hey lüt,

an alle dia mit üs zemma an abschluss gfierat hond, danke dassr euch d zit kno hond.

Ob vom Büro, vom Kollegakreis odr vo dr Verwantschaft.

I hoff i kann euch do mit spannanda Fotos und ufreganda Artikel a klä in mis fernweh ihefühla lo, i hoff aber o dass ihr ned z roß davoa agsteckt wärand, i will jo dassr alle wiedr do sind, wenn mr wiedr do sind. (Afang August 2011! glei vorreserviera)

D Rucksäck hommr scho fertig packt, o wenn se jetz a klä schwerer sind wia mr eigentlich wella hond :-/

Die erste Unterkunft hommr mitlerweile o scho. Über Couchsurfing hommr a paar lütlä agschrieba aber mir hond leidr an huffa absagen kriagt. Schlussendlich hats denn doch funktioniert und mir hond jemand gfunda der üs hosted.

schöne Grüaß! (s letzmol us am Ländle)

Sebastian