a journey

Hey!

So do isch scho wiedr dr noechste Bericht! Gestern Obat isch dr Marco mit anam andara Bus wia i ge Chiang Mai gfahra, drum kann i jetz mol nur vo mir und minra Erfahrunga do in Chiang Mai berichta.

I bin in aller Frueah do ako, nochdem i in anam trauhafta Bus doheragfahra wora bin. Do hats wia im Flugzeug Essa, Tee, am Morga an Kaffee geh. Hald so richtig Luxus. Platz hat ma o meh als knua ka weil dr Bus nedamol halbvoll gsi isch. Dr einzige Nochteil wos ka hat isch, dass d Klimaanlag so kalt igstellt gsi isch, dass ma sogar unter dr Decke ned so richtig warm ka hat. Macht jo oh Sinn. Dussa ischas z warm und hinna kueahland se so aha, dass ma a Decke brucht. %) najo thai hald.

Jo und huet han i mr a Fahrrad usglicha, weils doch alles a klae wiet usanandrliegt und i ned ueberall mit am Taxi umme fahra will. Zum oana isch des tuerer, ned umweltfreundlich und des schlimmschte, wenn ma an anam schoena Ort vorbeikummt kann ma ned einfach stoh blieba und s gnuessa (und a Foto fuer euch macha).

Jo so bin i denn mit minam Fahrrad los, a ziemlichs Klump aber mei. Und bin zersch amol ussa us dr Stadt, uffe uf an Berg, und inne in Jungel. Hammer, ueberall Boemm und Liana wo aha hengand, dazwueschat wiedramol a Palma und alle moeglicha Grueatoen! Klenne Baechle dia sich dazwueschat durchschlaengland und Felsa dia gelegentlich ueberhaengand, aber meistans normal us am Nichts uftauchand und kurz druf wiedr unteram Humus untertauchand.

Do han i denn o an Ami troffa, mittens im Wald, der isch frueher Jaeger gsi und jetz macht er liaber Fotos. Do muass er d Fieher ned umbringa zum se an d Wand haenga 🙂 find i mol a guate Einstellung. Er hat mr Fotos zoagat vo Spinna, Schlanga, Froesch, Schildkroeta, Schmetterling und Kaefer. Alles atemberaubende Bilder, wia us anam Prospekt, wenn ned besser. Und er macht des mittlerweile o hauptberuflich. (Isch aber glob o scho in dr Pension odr so was, er isch amol umma 60ge)

Und o a ganz a amuesants Gespraech han i mit dr Koechin vo anam Gasthus ka wo i min Zmittag/Znacht gessa han. Si hat mr denn zoagat wo des Zueg liegt wo i mr aschaua wella han, und was i mr sunsch noch so aschaua muasse. Han zB im Park, nochdem sie mir dr Tip geh hat, des Fuassball-Volleyball live gsacha. Des isch wuerklich extrem strange, aber interessant zum zualuaga. Wer s ned kennt, puh sry isch a klae schwer zum erklaera. Des muass ma gsacha ha.

Und jetz bin i wiedr im Hostel, morn wuer i nomol a klenne Runde macha, hoffetlich vor Sonnenaufgang, warum i jetz o gleichamol ins bett go wuer (20 vor 8) und am Obat nimm i denn worschindlich scho dr Bus Richtung Laos. Doet erwartat mi denn zerschmol a 2taegige Bootsfahrt uf am Mekong.

Bilder muass i spoeter uffelada, weil do ischas Internet ned schnell knua (dafuer ischas gratis)

schoene Gruass us Chiang Mai